Love shayari tere aaghosh mein aane ko betab hun

Yaad use bhi ek adhura afsana toh hoga,

kal raste mein usne humko pehchana toh hoga,

Dar humko bhi lagta hai raste ke sannate se,

lekin ek safar par eh dil ab jana toh hoga,

Kuch baton ke matlab hain aur kuch matlab ki batein,

jo yeh fark samajh lega woh diwana toh hoga,

Dil ki baatein nahi hain toh dilchasp hi kuchh batein ho,

jinda rahna hai toh dil ko behlana toh hoga,

Jeet ke bhi woh sarminda hai haar ke bhi hum garvit,

kam se kam woh dil hi dil mein yeh mana toh hoga.

---"~~"~~"*"~~"~~"----

=*=

---"~~"~~"*"~~"~~"----

Dil toh karta hai khair karta hai,

aapka jikr gair karta hai,

Kyo na main dil se du dua usko,

jabki woh mujhse bair karta hai,

Aap toh hubhu wohi hain jo,

mere sapno mein sair karta hai,

Ishq kyu aapse yeh dil mera,

mujhse puche bagair karta hai,

Ek jarra duayen maa ki le,

aasmano ki sair karta hai.

---"~~"~~"*"~~"~~"----

=*=

---"~~"~~"*"~~"~~"----

Ek khamosh halchal bani zindagi,

gahra thahra hua jal bani zindagi,

tum bina jaise mahlon mein beeta hua,

urmila ka koi pal bani zindagi,

najar aakash mein aas ka ek diya,

tum bujhati rahi main jalata raha,

tum gajal ban gayi, geet mein dhal gayi,

manch se main tumhe gungunata raha….

---"~~"~~"*"~~"~~"----

=*=

---"~~"~~"*"~~"~~"----

Basa gayi hai mere ehsas mein yeh kaisi mahak

koi khusbu main lagaun teri khusbu aaye,

Maine khuda se din raat yeh dua maangi thi

koi aahat na ho dar par mere aur tu aaye,

Uski baton ki gul o lala par sabnam barse

sab ko apnane ka us shokh ko jaadu aaye.

---"~~"~~"*"~~"~~"----

=*=

---"~~"~~"*"~~"~~"----

Tere aaghosh mein, aane ko betab hun main,

jab chaho, eh dost pukar lena hamein,

mahsoos karna chahta hu, teri dhadkano ko,

aankhon ke raste, dil mein utaar lena hamein.

---"~~"~~"*"~~"~~"----

=*=

---"~~"~~"*"~~"~~"----

Hum karte hai tumse pyar,

aaj karte hai pyar ka ikraar.

Jante hai tum bhi hamare liye bane ho,

tumne jitna pyar kiya utna kisi ne kiya na tha,

jitna tumne khabon mein sataya ,

utna tang kisi ne kiya na tha,

hai majburiyan tumhari hai majburiyan hamhari,

bas kehna hai aaj itna tumse,

kabhi kam na hogi dil se mohabbat tumhari.